kagabhion

Ang kagabhion usa ka lapad nga dalan

sa kamingaw. Ug sa akong nag-inusarang

pagsubay, nakita nako ang nitaliwan

nga pahiyom sa akong mga ginikanan. 

Nadunggan ang saag nga awit sa kanhing

hinigugma. Nihuot sa along tutonlan

ang mga kanta. Unsaon pa man

pagtultol sa iyang utlanan? Unsaon kaha

pag-abot sa kinatumyang kabuntagon?  

-- DELORA SALES-SIMBAJON

Butuan City, Agusan del Norte, Philippines