Kay kon ang bukid dili makaadto kang Mahomet
si Mahomet man ang moadto sa bukid,
mao kini ang eksena:
kay ang pinangga kong kabaw dili ko man tugotan nga moadto sa sibsibanan
kay nahadlok lagi ako nga atol niining balaan nga adlaw
basin masayop siya bisan tuod upat ang iyang tiil,
ania ako karon
nangumpay ginamit ang bag-ong binaid nga sanggot
nga sa akong mga kamot nahimong buwan nga mao pay pagsubang
nga misiwil daw sungay
sa garbosong bukid.
-- VICENTE VIVENCIO BANDILLO
Dhaka, Bangladesh
No comments:
Post a Comment