Duna pa ba'y labing kusog nga uwang
gawas sa kahilom sa kagabhion
mga mipakagay pagbalik sa mga bukog
sa gilubong nga kagahapon?
Ang multo nga mikaluha sa pagkahimugso
Mipakita pagbalik diha sulod sa handurawan--
Ang nindot nga kahayag sa Bulan
gibadlisan sa panganod
nga gihulagway sa hunahunang mipintal
sa mga bakak nga masinati duyog sa kulba:
singot nga manggimaw sa buna, liog, bugan, ilok…
sa kalag nga nalumsan sa kahadlok.
-- JON R. SAGUBAN
Iligan City, Philippines
No comments:
Post a Comment