sa kilumkilom

Naglakaw ako sa kilumkilom.

Lakang sa kahayag,

lakang sa kangitngit.

Wa nay kalainan sa akong panan-aw

ang mga butang 

nga akong giagian.

Sa usa ka dapit, dunay usa

nga modagkot og kandila o lamparilya

o mopindot sa usa ka switch

aron paghatag og kahayag.

Sa usa ka dapit, dunay usa

nga magsugod na pagpanira

sa mga bintana. Ug ako usab

mosulod ug sama’ng manira.

Likopan sa akong gahin sa kangitngit.

-- URIAS A. ALMAGRO

New Berlin, Wisconsin, USA