nganong niundang ko sa pagtala sa mga damgo

sama nga mohapdos akong mga kuko

inig banaw sa duga sa lemonsito

atol sa paghiwa

kon moingon ko'g “hangin”  

mokusog ang amihan 

ug malumos ko

kon sulayan ko paglangoy

manglutaw ang mga bulinaw 

ug mahimong mabulokong pabuto

ug kon damgohon ko ikaw

oh, kon damgohon ko ikaw

mabanlos akong duha ka tiil 

ug dayon masilaob ko 

taliwala sa kalasangan

-- JEFFREY JAVIER

Davao City, Philippines