pagnguyngoy

Diin nga pungtod magtuturok hin kandila?
Diin maghahalad hin bukad? Hin pangadi?
Diin nga tuna an hahadkan han akon luha?
Diin nga salog gin-anod an kasingkasing han akon Nanay?
Diin nga bubon ginlumos an iya tingog?
Diin nga tibod ginlubong an iya kalag?

Kutob san-o an imo paghingalimot ha akon, O Ginoo?
Ha Kadayonan?

Uulikabon ko an kada bato ha Leyte ug Samar.

-- JANIS CLAIRE SALVACION

Tacloban City, Leyte, Philippines