gugma

Bisan pa'g makalaway ang kapula sa hitsura,

garbosa kaayo diha sa gasinaw nga kutsara,

nganong makalisang ang iyang postura? 

Ay, adobong baboy!

Apan nganong bisan gidildil sa kawad-on,

bahala na'g bukogon ug bulingit intawon

sa sug-angan, ako gapasalamat gihapon.

Ay, sinugbang buwad-putpot!

Sa laktod, labi'g pus-an og lemonsito'g sili 

ang karaang suka nga gipatisan, ah, kini

mao'y matuod! Dili na isulti.

-- DONZKIE B. ATON 

San Remigio, Cebu, Philippines