Gikan ining tanan
igo lang unya kang mohawa
sama sa usa ka turista nga gaapas
sa takna, gaagad nga masugdan
ang gipaabot sa sunod
nga semana ug ang kabug-at ini
lakip sa kahago nga gibitbit nimo
sa imong pag-abot diri. Sa imong paglawig
walay nahawiran sa mga talan-awon
dihang naminaw ka sa giawit
sa hangin samtang lapyahan
daw gahuni sa kataposan
sa ting-init. Gahunghong, galaylay
sa mga higayon nga gabuy-od
ang kalaay sa baybayon. Unta,
sa imong pagdamgo mapalgan ko nimo
nga namati pod sa kabugnaw
samtang ang lapyahan
daw isla nga gianod
sa tumang kamingaw.
-- TON DAPOSALA
Cagayan de Oro City, Philippines
No comments:
Post a Comment