kang higala Rechie Lodonia, P.S.K.
Mapangag ra sa gihapon
Bisan kon bulawan pa kita'g ngipon.
Bulahan kadtong gihinayhinayan
Og kitkit sa katuigan--
Kadtong igo lang lumotan,
Mahingo ug mapugwat
Sa paglamba sa pultahan.
Apan duna sa'y uban
Nga pugsonon gyod
Ang pagligwat sa gibarogan--
Siko nga wala tuyoa
Gumikan sa paregla
O bangil sa disgrasya
Dihadiha mobarag bisan
Ang kinamagwangang bag-ang.
Sa paghapyod sa dila
Sa nalarag nga haligi
Misidlit ang dugo
Ug ang bugnawng' huyohoy
Mihandos lahos sa lagos
Ning nagbangotang dughan.
Bay, dili malimot ang kahaw-ang.
Lapu-Lapu City, Cebu, Philippines
No comments:
Post a Comment