Udto sa bulan, ug maulawon
ang hunasan. Ang tampulong
nga utlanan sa bughaw
ug tin-aw nga tubig wala
mosaksi sa mapangahason
nga pagpanginhas sa tulo ka
bata sa lapad nga baybayon.
Hakog ang kinaiyahan karon,
ug ang daguok sa pangandoy
haw-ang sa kahiladman
nga gakutoy samtang didto
sa tabok mapasigarbohon
ang tumoy sa bukid, gahalok
sa gaduka nga adlaw.
-- DON FERROLINO
Norzagaray, Bulacan, Philippines
No comments:
Post a Comment