hilanat

Kugosa kining bata sa imong damgo.

Sa imong pagmata, nag-inusura ka

uban anang imong mga pagpasaylo.

Makaplagan ang kinatibuk-ang katugnaw.

Kanunay bisitaon ang imong pus-on

sa higayon, ipahinumdom ang pagsilaob

sa imong kaunoran, gihulagway ang gibug-aton.

Sa kadugayan, kining mga gutlo

Aduna’y kalayo sa iyang ulo. Wala nahuwasan

ang katuigan nga dugay nang gihilantan.

Inig higda nimo sa imong pagpahuway

kugosa kining bata sa imong damgo.

-- CINDY VELASQUEZ                                                                                                                       Cebu City, Philippines