laraw

Duha ka bitin 

Ibabaw sa laya nga kadahonan.

Duha ka itlog nga bungol

Sa mga hilak sa mga langgam.

Usa ka pag-ampo sa inahan

Nga mouwan unta og bato ang langit.

Usa ka magtiayon nga igo ra mopabudlat

Sa mata (unta mopakurat sa gigutom).

Duha ka bitin nahagsa

Sa balilihan, kuyaw makuhaan

Kay gabusdik ra ba ilang tiyan.  

Wa’y itlog nga nasiak,

Wa’y kinabuhi nga nausik

Kay gilamoy ang nagpiyong

Sa katulogon.


-- DENNIS S. SARMIENTO                                                                                                                 Baltimore County, Maryland, USA