earth hour

sa pagkapalong sa suga

sa mga building ug kabalayan

mipuli ang gagmay’ng kahayag

sa gipangkayab nga smartphones

wa’y nagkipat-kipat nga aninipot

apan nagpulihanay’g kiblat

ang nagkadaiyang camera

nanaghangad sila

sa nagkalalom nga kagabhion

diin gisapawan sa liboan ka lantern

ang kaanyag sa mga bituon

-- GRATIAN PAUL R. TIDOR                                                                                                        Dipolog City, Zambonga del Norte, Philippines