kon buot nimong unayon pagkutlo imong kinabuhi karon dayon

huwami ug hawiri

ang kauhaw sa alimatok

ang kagutom sa langaw diha sa basurahan

ang katin-aw sa lama anang nalapsan nga sayal

ang kagay sa baso dihang mikanta-sayaw ang palahubog

ang kusmo sa iro batok sa kawatan

unya kining tanan

ayaw kalimti pag-uli 

ug kon malimot ka og pasalamat sa imong pagbiya

ayaw lang kabalaka ug ayaw lang baya padala sa kaikog

dili pa man ulahi ang tanan

balik-balik lang

-- MICHAEL U. OBENIETA                                                                                                           Topeka, Kansas, USA