baha: yukbo sa mga bata nga miluwas nako

huyang inyong mga bukton

nga gaalsa sa mga kahon 

sa pepsi ug sprite 

nga inyong gidala-dala ug gitanyag

alang sa akong lapalapa samtang nilapaw

ang akong kabalaka ug hapit nahilis

ang nangurog nakong mga kiting

apan wala nitidlom

dihang gabungisngis mo

sa akong pagsalig ninyo

-- JEFF DEL ROSARIO
                                                                                                                     Danao City, Cebu, Philippines