anak nga dili papugong

Ang bulan usa ka kabayo

nga mitimpasaw ug mitidlom sa kangitngit.

Ug ikaw nagkatawa

nga nagkapyot sa iyang buko-buko.

Gikulbaan ko nga nag-tan-aw

sa paspas nga pagsulod-ug-gawas niini sa nga mga panganod.

Ang kabayo milukso sa koral nga kamot sa orasan,

sa pag-abot sa tungang kagabhion,

Ug sa dihang mikadlawon, miambak kini

ibabaw sa sunoy diha sa atop--

Kanus-a pa man ka mouli?

Balik na ug iuli ang kabayo sa kwadra sa bidlisiw sa adlaw.

-- ESTER TAPIA                                                                                                                       

Kathmandu, Nepal