Bisan tuod kanunayng buhi sulod kanako
ang hinanali tang panagsama
adunay mga esena nga hanap na sa panumdoman.
Sama sa usa ka hapon
nga daw naglutaw akong milabang sa dalan,
gabitbit og pahalipay:
dili ko na matino karon
kon paingon ba ako kanimo aron ihatag kini
o gikan akong midawat niini gikan kanimo.
-- VICENTE VIVENCIO BANDILLO
Dhaka, Bangladesh
No comments:
Post a Comment