lawas

Pananglit, akong lawas, akong gihukas.  

Asa mopasilong ang kasakit? 

Asa mopaharuhay ang kalipay?  

Sama ra sad kung asa padulong ang tuba kung walay sugong

Samtang kini maghulat kung kanus-a mobukhad  

Ang kagabhion ug kabuntagon 

Sa dihang malusno ang langit?  

Unsay pulos sa handumanan
Kon walay kagahapon  

Ug unsa kahay mahitabo sa dawat  

Kon walay pito ka Biyernes nga moabot?  

Asa mopasilong ang kasakit? 

Asa mopaharuhay ang kalipay?  

Kon pananglit, akong lawas, akong gihukas.

-- JOSUA S. CABRERA


Cebu City, Philippines