mga lakang sa apo ko

(kang Sean)

Gagmay ang iyang mga lakang

Apan iyang mga tunob nabulit

Sa pangandoy sa pagkaplag sa nahanaw

Uban sa anino niyang naglakaw-lakaw

Nga sama niya may mga mata

Diin mihana na pag-ambak ang luha. 

Apan napugngan dihang duwaan

Nakit-ang nagpahipi sa ngilit sa hawanan. 

Gipislit dayon niya ang naandan;

Kalit ang awto-awto kusog midagan

Apan naapsan sa minglupad

Nga lanog sa pino niyang mga katawa.

-- ERNESTO D. LARIOSA

San Fernando, Cebu, Philippines