aninag

Dili tanan

nga naa galingkod sa balas ug galantaw sa dagat

gapaambit sa kasadya sa ilang mga hinigugma. 

Ug dili tanan

nga galubog ug galangoy-langoy buot modimdim 

sa pakigsangka sa mga balod. Tuho-i—

naa’y uban   

malaomong gapaabot nga huypon ra sa huyohoy  

ang nagkapalong nga dilaab sa kapunawpunawan. 

-- JONDY M. ARPILLEDA

Tandag City, Surigao del Sur, Philippines