lucas, wala gihurot ni stella ang iyang kape

(sumala ni Paul Randy P. Gumanao sa sugilanong “Sa Kalsada”)

Ang wala nimo nahunahunaang

sugdanan sa inyong sugilanon…

Ikaw, usa ka arketipo: laki nga

nidali og sulod sa eskuwelahan

aron mangopya ug dili anad

mopakita og gugma sa manghod. 

Namatikdan na lang nimo

nga miabot ka sa bilyaran

aron butangan og druga ug bunal-

bunalan sa mga laking imo kunong 

mga igsoon sa gang ug naningalang 

anaa ang manghod, saksi lamang

unta kon kaantos pa siya sa imong

kasakit. Sa ulahi, gamaskara siya

sa iyang panti. Nangabot dayon

ang mga pulis. Nanagan mo.

Ikaw, padulong sa mga estudyanteng

gatigom alang sa hustisya. Sa ulahi, 

nahunahunaan nimo ang manghod 

ug ang usa ka arketipo sa sugilanon:

ang gamayng detalye sa sugdanan,

ang wala paghurot ni Stella sa iyang kape.

-- M.J. CAGUMBAY TUMAMAC 

General Santos City, Philippines