Mahagkutay manggud yana.
Aada ha im’ hunahuna nga
Pagsagka mo tikang ha dagat,
Pakauli ha iyo balay, magpapatola
Ka kan im’ arog, mahigop han
Sabaw han ti-aw, ngan
Maghuhuma paglatag han banig.
Pabay-i kun agap pa.
Asya ini nga mas madagmit
Dumamo an mangirisda kontra
Han isda ha Maqueda Bay.
Mga hagkutan manggud kamo,
Siring mo.
Kundi sige nala. Yana nga di na damo
An isda, mag-aarisgar an kabataan
Nga mangaram, magtapos, magbiling
Hin iba nga pagkakabuhi-an.
Makakapamunay na an mga masag.
Makakapahuway na an dagat.
Waray la unta trawl.
Waray unta sagad.
-- ERIC ASEO
San Julian, Eastern Samar, Philippines
No comments:
Post a Comment