bangka-bangka

Inigtuang niining ulan 

Magbilin kini og daghang lim-aw. 

Manggawas pod ang akong mga bangka, maglutaw- 

Lutaw, itulod-tulod sa akong lapokong mga tiil. 

Layagan ko kini sa akong mga pangandoy 

Subay sa kanal… 

Ug inig-abot niini sa kantilado 

Nga bahin, makigbisog unta kini sa sulog 

Tabok sa lain pang mga lim-aw nga minugna sa laing 

Matang sa ulan-- mobunok ug motuang apan 

Kon dili man gani, ibalik ko na lang og paanod 

Duyog sa panganod. 

 -- JEFF DEL ROSARIO 

Danao City, Cebu, Philippines