dalit alang sa akong dinapit

Ug nangdani ko’g laag sa akong higala. 

Kon asa man niya buot molabigar, 

Nitubag siya: "Mokuyog ko og asa ka." 

Ali, ari ta sa higdaanan, 

Moligid ug mopiyong. Isipon tang kita 

Giduyan, gitabyog paingon sa imong 

Gidamgong dapit. Magdungan ta 

Pagpatid aron molabyog 

Ang atong lupad. Ug kon 

Damanon man gani ka, lagpakon ko 

Ikaw. Mosulirap dayon imong mata 

Inig ingnon nako, "Naabot na ta." 

 -- KRING KRING RODRIGUEZ 

Danao City, Cebu, Philippines