hinay-hinay

Mingkipot ang mga mata 

sa kalangitan-- ang pagburak 

sa dag-om ug ang nagpungasi 

nga bunok hinay- 

hinay nang milurang. Inanay pod 

ang paglamoy sa sardinas ug 

ang paghigop sa noodles 

nga gipasingtan pagpila ni nanay. Hinay-

hinay na pod ang pagpatarok sa pagtuo, 

ang pagpaturok sa paglaom hulip sa tali-

hugno nga kalibotan.  Apan samtang hinay- 

hinay nga migimaw ang mga gihay 

sa kagahapon, ambot kon dili ba pod kaha 

kalit birahon sa lumong panahon 

sa paghandom ang nalubong 

nga lawas ni tatay? 

-- MICHAEL FLORENTINO 

Ormoc City, Leyte, Philippines