saad-bigit

(alang kang Lyn ug Ed) 

Kon mahimo tang ulan… duha 

ka lusok sa ulan, ikaw ug ako, 

mapusgay diha sa kalipay sa buhing bulak 

ug mahimong usa ka daligdig nga sapnayon 

sa mahanlas nga mga dahon, usa 

ka tulo nga tuhogon man sa mga tunok 

kon samaran sa mahait nga mga suwab 

sa pagahimoon tang kasaysayan, magpabilin 

nga usa ka tulo nga motipon sa lapok 

 hangtod lamonon na sa kalimot. 

 -- JON R. SAGUBAN 

Iligan City, Philippines