uripon an nasud

(hubad kan Lawrence Ferlinghetti) 

Uripon an nasud nga an katawhan mga karnero
Ngan ginlilirong han ira kalugaringon nga magbarantay
Uripon an nasud nga mga buwaon an nagmamangulo
Diin gintitik-om an baba han mga makinaadmanon
Lugod mga limbongan an nababatian
Uripon an nasud nga diri naguliat
Labot la hin pagdayaw han iya mga agaron
Pagpasidungog han mga magraogdaog komo mga bayani
Ngan naghihingyap maghadi han kalibotan
Pinaagi hin pamugos ngan panlugos
Uripon an nasud nga sayod
Hin waray lain nga pinulongan kundi an iya
Ngan waray lain nga kultura kundi an iya la
Uripon an nasud nga kwarta an gingiginhawa
Nga nakaturog han katurog han bundat
Uripon an nasud, ay, uripon han katawhan
Nga natugot taoyon an ira mga katungod
Ngan an ira kagawasan mahiwaswasan 

An iroy nga tuna matam-is bayaan
Hahani an hingpit nga ak kasub-anan.


 -- MA. CARMIE FLOR ORTEGO
 Talalora, Samar, Philippines