dalit kang derek chauvin: tulo ka paagi sa pagpasaylo

“The former Minneapolis Police officer who knelt on George Floyd's neck for more than 9 minutes last year was found guilty… Derek Chauvin, 45, was convicted of second-degree unintentional murder, third-degree murder and second-degree manslaughter. Wearing a mask… Chauvin had no apparent reaction to the guilty verdict.” -- CNN, April 21, 2021

1. Kulkoga sa imong tilaokan— puslan man nga natilawan na nimo ang luwa sa panghimaraot— ang naungot nga uha.

2. Isuka lakip ang laylay sa imong inahan (kon nakahinumdom ka pa niya ug ang tuboran sa tanang kaputi diha sa iyang dughan) hangtod moawas sa imong mga mata ang aso sa itom nga mga kandila, gidagkotan sa uban pang mga inahan alang nimo.

3. Kitkita ang martilyo ug tunla ang mga lansang hangtod haom nang ibagnos ang imong dila, mapangos diha sa nanglagom nga tuhod ni Kristo.

-- MICHAEL U. OBENIETA
Topeka, Kansas, USA