burong

(alang kan Pulano nga di nakakatultol) 

Namamalanga ka pa ada 

‘tim’ pagbinaktas kawaog 

ha kagugub-an ‘tim’ mga hingyap, inop-- 

di ngan’, ha pagbiniling nim’ 

'tim' di mabilngan nga kalugaringon 

ha ginhadian nira nga bulawanon-- 

bang’ nagpabalyo ka na ha barani basi 

di ka na pung-awon 

di ka na manumdom 

pagliskad ‘tim' bado 

pagturoy han dalan 

tipakat’ ‘tam’ balay purtahan, 

kon hin-o hain san-o ka tiabot, 

ambot. 

Ha ak’, ini la’t sayod-- 

kahahalapad pa’t kalibotan 

nga’k puydi pagdaru-dalaganan

ngan it’ dughan, 

it’ dughan, natututdoan 

pagnawa.


 -- AIVEE C. BADULID
Tacloban City, Philippines