si juan atubangan sa dakong krus

Pader sa akong atubangan 

nakapsan og lumot karong ting-init. 

Gitugotan nimo ang paglugos sa taya 

sa naglikos nga alambreng halayan; 

ang iyang sinumpayan ubay-ubay na 

ang gisaysay sa adlaw-adlaw nga 

pagtamay sa hangin ug sa tubig nga 

mihangop sa nagduyan niyang 

kabulakan. Ikaw nga wa kaikyas 

sa pagsakmit sa tig-a nga yuta, 

nia na sab ko, mobalik ug 

magpatugsoy sa akong ihi. 

-- FRANCIS ARVIN E. BAYOCOT 

San Miguel, Zamboanga del Sur, Philippines