tsa

Nag-iyagak 

        sa abohan 

ang inalisngaw 

        sa takuri 

nga unya hinayon 

        pagbubo

sa tasang 

        gitaksan 

og dahong laya. 

Mihinunob ang gabukal nga tubig 

sa naglutaw-lundag nga tinapok 

ug ang dalag nga mituhop 

mibukhad     og     alimyon     sa     hasmin 

nga daw mihangop kanako 

samtang nagpabati pud sa kainit 

mihayaw nga anago sa akong panit. 

        Nagpabiling 

handumanan 

        kining gihay 

sa buwak nga pila ka

        tuig nimong giamomahan--

pagkahumota! 

Diria ka, inday,

        magpabilin kanunay. 

-- NIÑO JAN POL V. DOSDOS
Pagadian City, Zamboanga del Sur, Philippines