kan lolo peling

Parong na an baga ha sud-angan.  

Ngula na an palibot 

Dida han kawara han bagting han pamukpok 

Han imo ginhuhurma nga mga sundang. 

Maiha na man gud nga nagririnagaak 

An kaluluthan han imo payag nga pandayan. 

Ambot kun nanhingain na an imo 

Pinanhimo nga mga hinagiban. 

Inop ko nga unta 

Aadto na ini hira ha pungkay han bukid 

Diin binurongan an mga dalan. 

Didto diin diri na nakakautod hin kahoy an puthaw, 

Diin waray na hapdos an kada samad. 

 -- KENNETH ALVIN CINCO
Salcedo, Eastern Samar, Philippines