Ini an kataposan nga adlaw,
An kataposan ta nga tagay,
Bumuhat na an paragbugsay
Ngan iginhulid na an iya pukot
An dakop— ig-uuli na ngadto
Ha pantalan nga binurongan.
An imo ha amon mga intrimis
Mahihimo na la nga baras
Magkakaprag ha kada pagpagpag
Namon han amon mga saruwal
Lugaring ha pagkahulog hini ha tuna
Bisan mata hin dagom an mga guhang—
An kaasgad, mapirit la gihap' panusok
Ha gutak han amon mga tikod.
-- KENNETH ALVIN CINCO
Salcedo, Eastern Samar, Philippines
No comments:
Post a Comment