ritwal

“I come to speak for your dead mouths.” 

-- Pablo Neruda, The Heights of Macchu Picchu 

Idugsak kanang nagkadugong 

plamingko sa akong dughan. 

Lungkaba kining gakisikisi pang 

kasingkasing, ug ihalad 

diha sa altar. Ilabay 

ang ngamig kong lawas 

ibabaw sa daob iyawat 

mapawong ang kaligutgot 

ni Veracocha. Pasagdi 

ang unos nga mobanwas 

sa kalangsi sa pag-antos.

-- RODELIO BARELLANO 

Caloocan City, Metro Manila, Philippines