Basin gatuo ka
nga wala. Apan didto
sa dapit sa imong ug akong
kamingaw, ang kahumot sa kanhing
mga damgo mamukaw. Didto mogimaw
ang kalab-as sa mga pulong. Tan-awa
unya. Mokisi-kisi kini sila paingon
sa imong gitimplang
balak o kanta.
Ayaw kahadlok. Ayaw
kaguol. Subaya ang iyang hilom
nga dalan. Didto sa iyang
utlanan, tin-aw ang tinta
sa atong kaugmaon.
-- DELORA SALES-SIMBAJON
Butuan City, Agusan del Norte, Philippines
No comments:
Post a Comment