pusil ang paon sa pasol ni anton

Ang pusil ni Chekhov
Himan nga talagsaon

Kon wa kay orasyon pakubol
Ulohan pa gani sugod nag hilak

Kay kon mahisagmuyo ka lamang
Iya ning idat-ol sa imong bilahan

Didto iya kining ipabuto
Katulo kalima kapito

Poreso kay ang akong hinagiban
Pungkol man nga pugakhang

Itandi ko na lang ang akong pamalak
Sa ginagmayng pamasol

Bisag unsay paon
Basta naay motukob

-- VICENTE VIVENCIO BANDILLO

Dubai, United Arab Emirates