Ayaw gayod panumbalinga
Kanang mga asoy anang imong dughan.
Paski og gapas ang imong dunggan
Ug piyonga ang imong mata
Dayon talikod og kantaha
Ang mga musika ni Madonna.
Kay kon ikaw gayod mamati
Ang huyohoy sa kasingkasing
Nga tam-is ug taginting
Apan kon tilawan, aslom, haling ug
Parat, dili masabtan
Sama sa punuan sa kapayas
Nga mamulak apan dili mamunga
Ug kon imong bisbisan
Manalingsing-
Modaghan ang iyang mga dahon
Nga sa paglabay sa panahon
Sigon pa kang Yaya Ason
Mangahagbong lang gihapon.
-- MARIA VICTORIA BELTRAN
Cebu City, Philippines
No comments:
Post a Comment