gynecologist ang akong bana

"Tug-ani kos tinuod, Dok, moli-li ba gihapon ka sa bilat ni misis bisag dinosenang bilat ang imong makita sa klinika matag adlaw?”
– Adonis Durado, “Dihang Gainom ang Balakero ug Gynecologist”

Sa dihang ang akong bana nga si Juan
Na-assign sa mga bilahan
Pag-interno niya didto sa ospital
Matod pa niya, siya natintal

Sa nagkalainlain nga mga bulak
Nga nagbikangkang ug nanghilak
Sa iyang atubangan namukadkad
Tininuod, walay pangilad

Aduna kuno’y mga wanang
Nga bisan og nagtikangkang
Motak-om unya mopahiyom
Morag dagway ni Sharon Stone

Ang uban aduna’y kahumot
Nga sa Sampaguita gikurakot
Inig bus-ok sa ilang mga tiyan
Mawala ka sa imong panumduman

Kay pag-abot ra ba sa pipila
Ka segundo magwerla--
Kining bilahan nga nakuratan
Kay gihimong agi-anan.

Karon di na gyod ikatingala
Nganong nagbuwag ming duha.


-- MARIA VICTORIA BELTRAN
Cebu City, Philippines