Au réveil il était midi.
--Arthur Rimbaud
1
Udtong tutok na sa dihang gipukaw ko sa bunok sa ulan. Ulan-init. Apan ang yuta way gialisngaw nga kahumot. Migawas ako apan wa ko mabatyagi ang dagkong lusok sa ulan. Gibukhad ko ang akong palad. Ang ulan midahili sa gingi sa akong mga tudlo apan daw gibinhod ang akong kamot.
2
Dili pait ang barako nga akong giyarok aron mahigmata ko sa hingpit. Way haras ang aso sa abano nga akong gibulhot agi sa akong ilong. Dihay tamsi nga mibatog sa tambis sa tugkaran apan yabag ang iyang awit.
3
Nianang gabhiona tin-aw ang langit. Sa akong paghangad, nakita ko nga napapas ang mga bituon diin nahimutang unta ang konstelasyon nga Gemini.
--Arthur Rimbaud
1
Udtong tutok na sa dihang gipukaw ko sa bunok sa ulan. Ulan-init. Apan ang yuta way gialisngaw nga kahumot. Migawas ako apan wa ko mabatyagi ang dagkong lusok sa ulan. Gibukhad ko ang akong palad. Ang ulan midahili sa gingi sa akong mga tudlo apan daw gibinhod ang akong kamot.
2
Dili pait ang barako nga akong giyarok aron mahigmata ko sa hingpit. Way haras ang aso sa abano nga akong gibulhot agi sa akong ilong. Dihay tamsi nga mibatog sa tambis sa tugkaran apan yabag ang iyang awit.
3
Nianang gabhiona tin-aw ang langit. Sa akong paghangad, nakita ko nga napapas ang mga bituon diin nahimutang unta ang konstelasyon nga Gemini.
-- VICENTE VIVENCIO BANDILLO
Dubai, United Arab Emirates
Dubai, United Arab Emirates
No comments:
Post a Comment