kon dili nimo makita ang kompas ni raja muda*

(yukbo kang Cak Pram)












“Whoever is lord of Malacca has his hand on the throat of Venice.”
-- Tome Pires


Sa North
Nagbansiwag ang bandila
Sa Espanya.

Sa East
Nagbansiwag ang bandila
Sa itom nga langgam nga nakig-unot sa ngipon sa kilat.

Sa West
Nagbansiwag ang bandila
Sa Britanya.

Sa South
Nagbansiwag ang bandila
Sa Belanda.*

Ang tungatunga
Naa ang bugno alang sa bilahang Malaya
Gabansiwag.

Basin mao kini ang unod sa garay sa kahulogan
Apan basin paingon kita sa tukma nga pagbasa sa kalibotan sa papel
Sa diksiyonaryo sa dilang Bahasa
Ang basaha alang sa pag-igmat sa imong mga mata
Hain ang kalisod ang kapait?
Ang bahasa basaha sa baha?

_____________________________________________
* Rajah Muda : gibantog nga mangoray/mangorapay sa Malacca
* Mangoray : sa Cebuano/Iranun/Sama, buot pasabot “slave raider”.
* Korap : sa Iranun buot pasabot, “ slave raiding”.
* Belanda : sa pinulongang Bahasa, ang buot pasabot Netherlands.
_____________________________________________

-- LEO BOB FLORES
Bukit Batok, Singapore