Gitukob sa bakunawa
ang gisul-ot sa iyang ikog
nga singko sentabos nga buwan
nga maoy kinuptanan
sa way-kamatayon gugma
tali kaniya ug sa iyang
kaugalingon—ang hamiling
kapikas sa iyang kinabuhi—
atol sa langitnon nilang
kaminyoon. Ug kitang
mga butol nga kalibotanon
mibasal sa atong mga tambol
aron dili tawon ta hikalimtan
nga dapiton sa kumbira.
-- VICENTE VIVENCIO BANDILLO
Dubai, United Arab Emirates
No comments:
Post a Comment