ang bugno sa duha ka rajah muda

Ang iyang walang kamot nagkumkom
Sa dila nga adunay suwab
Sa pito ka mga tango sa kilat.
Ang iyang tuo nagkumot sa duha ka mga mutya sa saging tindok
Nga niturok sa bugan sa unod sa ilawom sa hangin.
Ang iyang kasingkasing napuno sa mga lumoyng dyolin sa kapintas
Samtang ang iyang puting mga tiil gitunob
Sa baybayon sa itom nga mga ngipon
Nga gitilatilapan sa pulang baha sa mga lastiko
Sa nanagdampa nga mga pulong.
Ang iyang garay nanghagit
Og siyatong sa mga hari sa kasadpan
Mabiaybiayon ang mga labyog sa iyang bahakhak.
Apan ang mga balod karon nihinayhinay na pagpakli
Sa mga elementong unod diha sa puso negrong utok
Ilawm sa mga naglutaw nga mga ulod
Sa isla sa ibabao sa metal nga utot.


-- LEO BOB FLORES
Bukit Batok, Singapore