duha ka maskara

Duha ang akong gipili
Nga maskara.
Puros puti.

Kaputli. Kahayag. Kagawasan

Alang nako. Gitagoan ko.

Nasayod ko kon kinsa ako.

Giganahan ka. Gihigugma mo

Ang gitagoan ko

Nga kangitngit.

Duha kita nga gamaskara.
Naghalok kita. Nagtandayay
Sa katre. Pipila na ba ka gabii?

Unsa pa bay kapuslanan
Nianang gitawag nila

Nga kamatuoran?

Nagmalipayon kita.
Dili na nato kinahanglan
Ang matuod.

Kadaghan na kana siya
Gipatay sa walay kukalooy.

Hala gaksa ko. Kanang hugot.

-- RIC S. BASTASA
Katipunan, Zamboanga del Norte, Philippines