diin ang atong mga hagawhaw
modailos sa kapunawpunawan
dinhi sa lubog nga dis-og sa taob
ania kita karon nagpasilong
sa pikas tampi sa mga takna
samtang ang atong mga anino
gipanghapnig sa silaw sa adlaw
sa lawom nga lugot sa kasugiran
sa puhaw nga walog sa kalimot
karon sa atong pag-inusara
hangyoon ko nga imong balibaran
ang aghop nga panawagan
sa kataposang biyahe balik
sa buhilamang midumili kanato
-- VICENTE VIVENCIO BANDILLO
Koror, Palau
No comments:
Post a Comment