text sa managtiayon

Hapon na.
Nag-text ang akong bana.

"Day, ari na, kay wa na koy
Ikapalit og donut."

Akong gibawsan:
"Panaghoy na lang diha,
Kay hapit na ko moanha."

Soooo. Soooo. Soooo.
"Nindot ba ang akong taghoy?"

"Maayo sab.
Morag hungaw lang."

Tubag niya: "morag bitin
Nga nangitlog no?" Soooo.

(Akong hunahuna:
morag di na ni matapos da.)

Text kog balik:
"Morag nangutot, ang imong taghoy,
Og ligngin..."

(Wa na ko tubaga.
Da, hunong lagi.)

Beep. Beep.

"Dali na ngari, Day.
Nag-uwan na."

-- MILAGROS T. DUMDUM

Talisay City, Cebu, Philippines