lumba

ang lumba sa dagan
didto sa disyerto
sa matag adlaw
wala'y imnanay og tubig
sige la'g dagan
wala'y ambatay kon naunsa na
ang imong tupad
nakita mo ang gidangatan
sa mga nauna og naulahi
wala ka malisang
kahibawo ka na sa imong dangatan
wala ka gihapon malisang
wala ang kahadlok
kay ato kining tinuyuan

walay tubig walay pan
walay ambatay
walay paambitay
mao kini ang atong gituyuan
walay basolay

diha ang pagpahulay


-- RIC S. BASTASA
Katipunan, Zamboanga del Norte, Philippines