elehiya alang sa kalanggaman

Didto sa kawalaan gihaya
ang buhi pang mga berso
nga ampay awiton sa
lumadnong kalanggaman.

Duyog sa obituwaryo,
ang dalugdog padayon
sa pagdahik didto sa hingtungdan
apan daling miapas ang kilat
sa kalangitan-- gidagkotan
ang mga kandilang giugbok
sa mga biniyaan.

Gadagsang ang mga pak- an
nga mananabtan, nag- alirong,
nag-alayon pagpanday sa gusbat
nga kabiling pugaran...

alang unya sa pagkunsad
sa mitaliwang pinulongan.


-- RAUL M. FIGUES
Oslob, Cebu, Philippines