3.26.2010

ubos unta sa punoan nga nangka
















Unsa kaha
Kon ang tanan unta
Mahimong balikan
Pupoon,
Saw-on,
Dili pasagdan nga
Mosangkad sa yuta?

Sama, pananglitan,
Sa atong punoan nga nangka
Nga akong gipuwawan
Samtang nisulirap
Ang adlaw kay hangtod
Karon ikaw nalangan

Gihapon.


-- GINA MANTUA-PANES
Cebu City, Philippines
at

16 comments:

  1. MMarch 26, 2010 at 1:09 PM

    gina,

    pasumbingayng kahulogan
    sa dugosnon mong balak.
    puwede bang moapil
    pagpamupo ug motilaw
    sa imong nangka?

    -mananambalak

    ReplyDelete
  2. ginamantua-panesMarch 26, 2010 at 7:02 PM

    Nyor mel,

    hahahaha. bugoy ka nyor nga way sama.

    Dili pa sama ka hinog sa imong mga balak ang nangka nga akong gipatan-ogan

    gina

    ReplyDelete
  3. MMarch 26, 2010 at 7:30 PM

    Gina,

    Hinog nang mga balaknangka mo
    Di na kinahanglang tan-ogan
    Aduna nay katahom ug kahumot
    Pupoon nang nagpahiyom talulot

    -mananambalak

    ReplyDelete
  4. ginamantua-panesMarch 27, 2010 at 6:32 AM

    nyor,

    kadakog dungog sa sama lamang nako ang makadawat sa maong pagdayeg gikan sa gitangla nga sama nimo nyor.

    Sa gihapon layo pa sa tungasonon nga bukid sa parnaso. aw, wa man hinuon ko mangandoy, igo na nga makatampo ko sa natad sa arte sa pamalak ilabi na sa atong pinulungan. lipay na kaayo akong kalag ana.

    Daghang salamat sa mga pagdasig. Tipigan ko kanang tanan.

    gina

    ReplyDelete
  5. MMarch 27, 2010 at 8:28 AM

    gina,

    gina, bambi, jona, neile
    cindy, genalyn, hazelen:
    mao kini sila ang mga babayeng bitoon sa tabil sa pamalak binisaya
    sa among listahan ( sa adunay pustiso, uban, kunot, bako apan
    batan-on pag kasingkasing).ning miaging bulan, daghan kag mga balak
    sa kabisdak. you deserve the recognition and accolade.

    -nyorMel

    ReplyDelete
  6. MMarch 27, 2010 at 8:43 AM

    gina,

    ang mga tadhang beterana: ester,merlie, candice, dindin ubp. (ang wa nako maapil dinhi kay malimtanon na, haduol sa akong kasingkasing) Kini sila aduna nay
    luna sa natad sa katitikang bisaya.

    -mananambalak

    ReplyDelete
  7. rsbMarch 27, 2010 at 10:44 PM

    oi wala diay jud malimti si candice.
    bitaw, mga maayo baya na sila manulat.
    saludo pod ko nila.

    og kabahin sa nangka, manghumot ra na og iya, dayon halokhalokan. Dili na paaboton nga mahulog sa yuta kay basin mabun-og.

    labi na kon dagko kaayo ang nangka.
    gakson jud pag-ayo.

    ReplyDelete
  8. ginamantua-panesMarch 28, 2010 at 10:27 PM

    mga nyor,

    daghang salamat.

    -gina

    ReplyDelete
  9. MMarch 29, 2010 at 1:36 PM

    Gin,

    The following deserve special mention: My favorite Karla, Carine, Charisse, Teresita, Marvi
    and Milagros. Unta magpadayon sila pagtampog mga balak sa Kabisdak ni MykeObenieta ug Bisaya Magazine ni Richel Dorotan. Diay hatagi ko pag-usab sa imong e-mail adres. Adunay kulang ang una mong gihatag: admantua_03@yahoo.com
    Daghang salamat.

    Nyor Mel

    ReplyDelete
  10. ginamantua-panesMarch 29, 2010 at 6:36 PM

    Nyor mel,

    It's mantua_03@yahoo.ca

    (Please note that the last one is not .com. It's .ca for Canada. Basig mao nay nasayop nyor.)

    gina

    ReplyDelete
  11. BalitawMarch 31, 2010 at 6:29 PM

    This comment has been removed by the author.

    ReplyDelete
  12. BalitawMarch 31, 2010 at 7:10 PM

    salamat judge sa imong paglaban:) and to Mel for mentioning my name,pasaylo-a maninglish ni ha:) you made me feel that I exist. Novice pa ko ani nga genre. A little appreciation goes a long way. I thank judge for the encouragement and for Mel sa suporta sa mga sumusugod pa.

    ReplyDelete
  13. MMarch 31, 2010 at 9:56 PM

    Candice,

    Ako ug si Companero Ury Almagro
    nakamatikod sa kait-on,
    kamahuloganon
    ug nagtakobang katahom
    sa mga balak mo.

    -mel (alyas mel gibson)

    ReplyDelete
  14. BalitawMarch 31, 2010 at 11:06 PM

    This comment has been removed by the author.

    ReplyDelete
  15. BalitawMarch 31, 2010 at 11:08 PM

    salamat Doc a.k.a. Mel Gibson abi nako si Mel ka usa sa mga balakero dinhi

    ReplyDelete
  16. MApril 3, 2010 at 5:45 AM

    candice,

    way sapayan.
    pila ka na ka tuig sa canada?
    dagangalan nostalhiya...

    -amorsikoamerika/mananambalak

    ReplyDelete