Pingkion ta ang atong kopita
Nagsugod nang kataposang tugtog
Manindog ug mosadsad na kita
Kahumot mo ako paambita
Tagbawon natong panagsaulog
Pingkion ta ang atong kopita
Halandumong huni pod awita
Magpaanod sa kanhiayng bul-og
Manindog ug mosadsad na kita
Mga pungpong sa bulak bitbita
Sa sayawan ning dughan ihulog
Pingkion ta ang atong kopita
King gaduaw sud-onga sangpita
Ipangandoyng imong ikadulog
Manindog ug mosadsad na kita
Hapit manamilit king bisita
Misenyas nang orkestrang matulog
Pingkion ta ang atong kopita
Manindog ug mosadsad na kita
-- MELQUIADITO M. ALLEGO
Palm Harbor, Florida, USA
anestolohinaot pa untang mga batan-on mosulat og villanelle with post-modernism flavor
ReplyDeletearon di mahitaligam-an
ang tradisyon
-mananambalak
Mga batan-ong balakero/balakera,
ReplyDeleteVILLANELLE RIMA PERFECTA.
Magmalamposon unta ang atong BATHALAD
CLASSICO. Karon ug unya, pagtagik og
inihap mga balak sa tradisyon nilang
Vicente Ranudo, Vicente Padriga, Saturio Villarino, Dios Garces Alesna,
ubp. Look back to the traditional form of poetry and add your post-modernism flavor & fervor.
Nice job, Gen and other Bathalad officers.
-mananambalak