Ang bulan maoy usa ka butang nga mahimong dili nato makit-an (gani, dili mosantop sa atong hunahuna) sulod sa hataas nga panahon. Ang atong mga adlaw ug gabii magpabiling hingpit (o haw-ang) bisan wala kini. Apan mahitabo nga usa ka kilumkilom niana samtang nag-ambo kita sa bintana, naglatagaw ang pangisip o kaha nagtimbangtimbang og usa ka hinungdanong desisyon, mokalit lang kini pagsubang sa atong atubangan ug dihadiha kalakbit na usab ang bulan sa atong kinabuhi.
-- VICENTE VIVENCIO BANDILLO
Koror, Palau
dili kaha ta ani
ReplyDeletemahimong LUNATIC, my pren?
pwere buyag lang.he he
nice poem, simple, soothing, freely flowing, like the moon sailing in the sea of darkness.